Vex-Muugii.Blogmn.Net

Америк төвгүй болох нь

20:33 , 2010-08-19 .. Бичигдсэн: Спортын мэдээ .. 1 сэтгэгдлүүд .. Холбоос

Нью-Жерси Нетс багийн төвийн тоглогч Брук Лопес сагсан бөмбөгийн ДАШТ-д оролцож чадахгүйд хүрээд байна. Тэрээр ДАШТ гэхэд бүрэн фит болж, өндөр хэмжээнд ачаалалтай тоглож чадна гэдэгтээ итгэхгүй байгаа тухайгаа Америксийн сагсан бөмбөгийн холбооны удирдлагад хэлжээ.

Лопес Лас Вегаст болсон эхний бэлтгэлийн кампт муу байсан ч шигшээгийн босс Жерри Колангело 2 дахь буюу Нью-Йоркт хийх бэлтгэл гэхэд асуудалгүй болно гэж байв.

Лопес уг нь Туркт шууд гараанд гарах төвийн тоглогч нь байлаа. Лопесоос өмнө Амаре Стаудмайр, Дэвид Ли, Робин Лопес нар шигшээгээс гэмтэл болон бусад шалтгаанаар гарсан. Эдгээр тоглогчдыг алдсанаар Америкийн багийг том тоглогчдоор дутмаг боллоо гэж байсан бол одоо гол найдвар нь мөн багийг орхилоо.

Бас нэг боломжтой тоглогч болох Селтиксийн Кендрик Перкинс хагалгаанд орсон байгаа.

Брукийг Визардсийн залуу тоглогч, Лас Вегасийн бэлтгэлийн дараа хасагдсан Ж.МакГигаар орлуулах болно.

“Ирэх дэлхийн аваргад Брук Лопес өрсөлдөхийг харж чадахгүй болсондоо сэтгэл дундуур байгаа ч Нетсийн зүгээс Брукийг шигшээд бэлтгэл хийлгэхийг болиулах шийдвэрийг дэмжинэ ” гэж Нетсийн менежер Билли Кинг хэлж.

Одоо Америкийн багийн самбарыг Тайсон Чандлер, Ж.МакГи нар л даах нь. Тэгэхээр самбартаа лав тэд нэлээн хүч муутай болж байгаа юм.

2006 онд Америкийг хагас шигшээд Грекчүүд төвдөө дээрлэхсээр л хожиж байсан удаатай.

Сэтгэгдэл үлдээх