Vex-Muugii.Blogmn.Net

Цаглашгvй Дээд Их Багш Чин Хайн айлдвар. Шихv, Формоса, 1991 оны 8-р сарын 11, Сvнс болон Тамын аль аль нь оршдог. Гэсэн хэдий ч бvх зvйл сэтгэлээс vvдэлтэй. Өнгөрсөн болоод энэ амьдралдаа юу хийснээс шалтгаалж бид vхэхдээ ижил уур амьсгалд орох болно. Нас барсан хойно амьдралынхаа туршид дадаж зуршсан тэр хэмжээст хөшиж гацдаг. Та бvхэн гэнэтийн vхлээр vхсэн эсвэл цэргvvдэд алагдсан, дайны vед санаандгvйгээр амиа алдсан хvмvvсийн тухай хийсэн судалгааны талаар сонин сэтгvvл, телевизээс хааяа харж байсан байх.

Тэдгээр хvмvvс сэтгэл зvйн хувьд vхэлд бэлэн бус байсан болохоор шоконд ордог байна. Мөнгөн утас нь гэнэт хvчтэй тасарснаас тэд өөрийн vхэлтэйгээ эвлэрч чаддаггvй. Тэд хайрцган дотор зугтаж чадахааргvйгээр хоригдсон мэт болж тодорхой нэг хэмжээст гэнэт хөшиж гацдаг. Тэд өөрсдийгөө армид дайтаж байгаа хэвээрээ гэж санан өдөр бvр хашгиран замд тааралдах бvхнээ алж устгасан хэвээрээ л байдаг. Хий юм vзэж, харсан бvхнээ дайсан гэж санадаг. Тэд ердөө л дайтсан хэвээрээ. Дайн тулаан, гэнэтийн vхлээр vхсэн хvмvvс vнэхээр өрөвдөлтэй. Тэд энэ байдлаасаа Гэгээрсэн Их Багшийн тусламжгvйгээр хэзээ ч гарч чадахгvй. Амиа хорлогсдын хувьд ч мөн адил зvйл тохиолддог. Амиа хорлох vеийнх нь зовлон шаналал, vхсэн хойно нь ч тэднийг орхидоггvй. Vхэл хэн нэгнийг хэзээ ч зовлонгоос ангижруулахгvй. Зvйрлэвэл залуу насандаа сурч мэдээгvй бол өтлөх насандаа их мэдлэгтэй болж чадахгvйтэй адил.

Тиймээс дайны уур амьсгал хамгийн аймшигтай нь. Маш олон сvнснvvд өөрийн гацсан хэмжээснээс гарч чаддаггvй. Хэрэв маш урт удаан хугацааны дараа энэ байдлаасаа гарч хvн болж төрсөн тохиолдолд уур хилэнгээр дvvрэн дайтсан амьдрал руу тэмvvлэх нь элбэг. Энэ дэлхий хvмvvст маш их хор хөнөөл учруулж байдаг. Тиймээс ихэнх оюунлаг хvмvvс дайны эсрэг байдаг ч тvvнийгээ нээлттэй илэрхийлэх аргагvй байдаг. Тэд vргэлж дайныг эсэргvvцээд байвал хувьсгалчид мэт харагдаж, энэ нь хvмvvст буруу ойлголт төрvvлэх, эсвэл улс төрийн эрх мэдлийн төлөө тэмцэж байна гэж ойлгогдох байсан. Гэлээ ч тэд дайн хvсvvсийг сайн зvйлд хvргэхгvйг мэддэг учир зvрх сэтгэлээрээ дайны эсрэг байдаг.